وفاقی وزیرخزانہ محمداورنگزیب دی اٹلانٹک کونسل دے پروگرام اچ ڳالھ مہاڑ
APP14-160424
WASHINGTON: April 16 Finance Minister Muhammad Aurangzeb spoke at the Atlantic Council on the Opportunities and Challenges for the Pakistani Economy through 2024 and Beyond. APP/MAF/TZD
واشنگٹن۔16اپریل (اے پی پی):وفاقی وزیرخزانہ محمداورنگزیب آکھیے جو آئی ایم ایف تے عالمی بینک جیہے اداریں کوں ماحولیاتی تبدیلیاں توں متاثرہ ملکاں اچ مالیاتی شمولیت اتے ماحولیاتی لحاظ نال موزوں ڈھانچہ جات تےمنصوبیں اچ تعاون سانڳے اڳوں آوݨاں چاہیدے ، بین الاقوامی مالیاتی فنڈ نال سانجھے اعتماد نال اڳوں ودھدے پیوں ،جی ڈی پی دے تناسب نال ٹیکساں تے سر مایہ کاری دی شرح کوں 15 فیصد دی سطح تے گھن آوݨ دی کوشش کریندے پیوں ،سرمایہ کاری اچ ودھارے سانڳے سنگاپوراتےدبئی وانڳوں اساکوں وی سوچ بدلݨی ہوسی ۔ اساکوں برآمدات ودھاوݨ دی لوڑھ اے ۔ اے ڳالھ انہاں گزریل رات واشنگٹن ڈی سی اچ معروف امریکی تھنک ٹینک” اٹلانٹک کونسل “دے پروگرام اچ آکھی اے۔ وزیرخزانہ آکھیے اڄوکے سال معیشت دی صورتحال اچ بہتری آئی اے، ایس بی اے پروگرام نال کلی معیشت دے استحکام اچ مددملی، جی ڈی پی سدھے پاسے ہے ،زراعت اچ 5 فیصد نمو تھئی،خدمات دے شعبہ اچ وی نمو تھئی اے ، افراط زردی شرح 37 فیصددی اتلی سطح توں 20 فیصد دی شرح تے آئی اے،آئی ایم ایف نال مذاکرات اچ نمو دے پہلو کوں اہمیت ݙیندے پیوں ۔ انہاں آکھیے گورننس اچ بہتری توں معاملات بہتری آلے پاسے ونڄ سڳدن ، کوشش ہوسی اپݨے سابقہ تجربہ کوں ملکی بہتری سانڳے استعمال اچ گھن آیا ونڄے۔ وزیرخزانہ آکھیے جو ساݙی کوشش اے جو جی ڈی پی دے تناسب نال ٹیکساں دی شرح کوں 15 فیصد اتے ایویں جی ڈی پی دے تناسب نال سر مایہ کاری دی شرح کوں وی 15 فیصددی سطح تے گھن آیا ونڄے۔ اساکوں برآمدات اچ ودھارا تے نجکاری دے ایجنڈا کوں اڳوں ودھاوݨا اے ۔ اے او امور ہن جیڑھے ساݙی معیشت سانڳے ضروری اے ۔
