نگران وزیر اعظم انوار الحق کاکڑ دی صدارت اچ توانائی دے شعبے اچ گردشی قرضے کوں گھٹ کرݨ دے لائحہ عمل تے جائزہ اجلاس
Caretaker Prime Minister Anwaar-ul-Haq Kakar chairs a review meeting on reduction of the energy sector's circular debt in Islamabad on 24th January, 2024.
اسلام آباد۔24جنوری(اے پی پی):نگران وزیرِ اعظم انوار الحق کاکڑ آکھیے حکومت گردشی قرضے کوں گھٹ کرݨ سانڳے حکومت ہر ممکن اقدامات کریندی پئی اے، وزارت توانائی گردشی قرضے مکاوݨ سانڳے ھک مؤثر، دیر تئیں تے قابل عمل حکمت عملی بݨا تے پیش کریسی، گردشی قرضے مکاوݨ سانڳے سارے فریقین کوں رل تے کم کرݨا ہوسی ۔ وزیراعظم آفس دے میڈیا ونگ توں جاری پریس ریلیز موجب نگران وزیرِ اعظم انوار الحق کاکڑ دی صدارت اچ توانائی دے شعبے اچ گردشی قرضے گھٹ کرݨ دے لائحہ عمل تے جائزہ اجلاس منعقد تھیا ۔ اجلاس اچ نگران وفاقی وزراء ڈاکٹر شمشاد اختر، محمد علی اتے متعلقہ اعلیٰ حکام شرکت کیتی۔ایں موقع تے نگران وزیراعظم آکھیے حکومت سنبھلیندے ہی اساں ترجیحی بنیاداں تے معیشت دی بحالی سانڳے اقدامات کیتن، گردشی قرضے گھٹ کرݨ سانڳے حکومت ہر ممکن اقدامات کریندی پئی اے ۔ انہاں وزارت توانائی کوں ہدایت کیتی جو گردشی قرضے مکاوݨ سانڳے ھک مؤثر، دیرتئیں اتے قابل عمل حکمت عملی بݨا تے پیش کیتی ونڄے۔ انہاں آکھیے گردشی قرضے گھٹ کرݨ سانڳے فریقین کوں رل تے کم کرݨا ہوسی ، انسدادِ بجلی چوری آپریشن توں بجلی دی تقسیم کار کمپنیاں دی وصولیاں اچ بہتری آئی اے۔ اجلاس کوں پٹرولیم اتے توانائی دے شعبیں دے گردشی قرضے دی موجودہ صورت حال تے تفصیلی بریفنگ ݙتی ڳئی ۔ اجلاس کوں مختلف کمپنیاں دے گردشی قرضے دے حوالے نال ݙسایا ڳئے تے انہاں قرضیں کوں گھٹ کرݨ سانڳے تجویزاں ݙتیاں ڳئن ۔ وزیرِ اعظم متعلقہ وزارت کوں وزارتِ خزانہ نال مشاورت دے بعد ھک جامع و پائیدار لائحہ عمل بݨا تے پیش کرݨ دی ہدایت کیتی ۔
