وزیراعظم دی صدارت اچ اجلاس، ٻاہرلے ملک رہݨ آلے پاکستانیاں کیتے عالمی معیار دی رہائشی سہولتاں دی تعمیرتے بریفنگ ݙتی ڳئی

اسلام آباد۔23دسمبر(اے پی پی) وزیراعظم محمد شہباز شریف آکھیے ٻاہرلے ملک رہݨ آلے پاکستانی ساݙا قابل قدر اثاثہ ہن، انہاں دی فلاح و بہبود اتے حقوق دا تحفظ ساݙی حکومت دی اولین ترجیح اے۔ وزیراعظم آفس دے میڈیا ونگ توں جاری بیان موجب اے ڳالھ انہاں ٻاہرلے ملک رہݨ آلے پاکستانیاں کیتے عالمی معیار دی حامل رہائشی سہولتاں تعمیر کرݨ دے حوالے نال اعلیٰ سطح دے اجلاس دی صدارت کریندے ہوئیں آکھی اے ۔ کیپٹل ڈیویلپمنٹ اتھارٹی دے حکام ایں حوالے نال وزیر اعظم کوں تفصیلی بریفنگ ݙتی۔اجلاس اچ وفاقی وزیر خزانہ محمد اسحاق ڈار، وزیراعظم دے مشیر احد چیمہ، معاون خصوصی طارق باجوہ، سابق ارکان قومی اسمبلی ڈاکٹر طارق فضل چوہدری، انجم عقیل، چیئرمین سی ڈی اے کیپٹن (ر) محمد عثمان یونس اتے متعلقہ حکام شرکت کیتی۔وزیراعظم آکھیے ٻاہرلے ملک رہݨ آلے پاکستانیاں کوں بین الاقوامی معیار دیاں رہائشی سہولتاں ݙیوݨ ساݙی حکومت دی اولین ترجیح اے۔ٻاہرلے ملک رہݨ آلے پاکستانیاں کیتے وفاقی دارالحکومت اچ جدید سہولتاں توں آراستہ ہاؤسنگ یونٹس تعمیر کیتے ونڄن ۔ ایں ضمن اچ عالمی شہرت دی حامل تعمیراتی کمپنیاں دی خدمات ڳھدیاں ونڄن۔ انہاں ہدایت کیتی جو انہاں ترقیاتی منصوبیں کوں وختی مکمل کیتا ونڄے ۔ وزیراعظم آکھیے ٻاہرلے ملک رہݨ آلے پاکستانی ساݙا قابل قدر اثاثہ ہن۔ انہاں دی فلاح و بہبود اتے حقوق دا تحفظ ساݙی حکومت دی اولین ترجیح اے۔

مضمون کا ماخذ : نقدی پھٹنا

متعلقہ مضامین