د تېرو 24 ساعتونو په مهال د كورونا وائرس (کوېډو۔19 ) تشخيص له تر ټولو زيات 14 زره 878 ټېسټونه وكړې شول۔ تر دې دمه د ټېسټ كولو صلاحيت 27 چنده زيات شوې كوم چې د ډاډګيرنې وړ دے۔ نېشنل کمانډ اېنډ آپرېشن سېنټر

اسلام آباد ۔ 16 مئی (اے پی پی) نېشنل کمانډ اېنډ آپرېشن سنټر (اېن سی او سی) تېرو 24 ساعتونو كښې د كورونا وائرس (کوېډو۔19) تشخيص له تر ټولو زيات د 14زره 878 ټېسټ په كولو او تر دې دمه د ټېسټ د صلاحيت په 27 چنده زياتېدو د اطمينان څرګندونه كولو سره د ټېسټ صلاحيت لا زياتولو له د ټولو هڅو كارولو هدايت كړې دې۔ د منصوبه بندۍ ٬ پرمختګ او اصلاحاتو وفاقي وزير اسد عمر په مشرۍ كښې د خالي په ورځ نېشنل کمانډ اېنډ آپرېشن سېنټر (اېن سی او سی) كښې د لوړې كچې يوه غونډه وشوه۔ غونډه كښې د روژې مباركې مياشتې اخري لسيزې طاق شپو كښې اجتماعاتو ٬ د رخصتېدونكې جمعې او اختر لمونځ او د اختر رخصتيو په مهال ماركيټونو ٬ بازارونو له په اېس او پيز د عملدرآمد جاج واخستې شو۔ د روغتيا وزارت چارواكو پی پی اېس او د طبی آلاتو په اړه غونډې ته بريفنګ وركولو سره ووئيل تر دې دمه پاكستان ته 50 لکھ 61 زره 160 ماسک، 2 لکھ 67 زره 280 اېن 95 ماسک، 8 لکھ 81 زره 700 حفاظتی سوټ ، 1 لک 41 زره 45 حفاظتی چشمې ، 12 لکھ 59 زره 148 ګلوز، 3 لکھ 94 زره 186 سرجیکل کېپس، 94 زره 400 فېس شیلډ، 2 لکھ 81 زره 208 شوکور،20 پورټ اېبل وېنټی لېټرز، 24 آئی سی یو وېنټی لېټرز، 339 بائے پی اے پی وېنټی لېټرز او 45 اېکسرے مشينونه راوړلې شوي دي۔ دا ټول طبي سامان روغتونونو ته د ضرورت له مخې استولې شوې دې۔ وفاقی وزیر ووئيل د پی پی ایز او طبی آلاتو مطلوبه سټاک لرؤ ولې مونږ له به د تجربه لرونكې هیومېن ریسورس شمېره زياتول وي دغسې چې سباؤن كښې ددې وباﺀ زياتېدو چېلنج مقابله وكړې شي۔ فورم ته ووئيلې شؤ چې د كورونا وائرس پاكستان ته راتلو نه وروستو د نړيوال معيار له مخې روزانه به 470 ټېسټونه كېدل۔ او نن دا شمېره روزانه 14زره 878 ته رسېدلې ده كومه چې 27 چنده زياته ده۔ غونډې ته ووئيلې شؤ چې د مارچ په پېل كښې د كورونا تشخيص له 2 لېبارټرۍ وې او اوس 70 دي۔ وفاقی وزیر اسد عمر ووئيل حكومت په لږ وخت كښې بې وزلو او محرومو طبقو ته د احساس اېمرجنسي كېش پروګرام د لارې مالي مرسته د دوئي تر كورونو رسولو كښې كامياب شوې دې۔ ده ووئيل د احساس اېمرجنسی کېش پروګرام د لارې تر دې دمه 8 ملینه نه زياتو مستحق وګړو ته 100 اربه روپۍ وركړې شوي دي۔ ده ووئيل كروندګرو له د 50 اربه روپو ماليت زرعي پېكج پېل كړې شوې دغسې د روغتيا څانګې له هم 50 اربه روپۍ بېلې كړې شوي دي۔ داخله وزير برېګېډئیر اعجاز احمد شاہ ووئيل ضلعي انتظاميه دې په ځائي كچه شراكتدارانو سره په ګډه په اېس او پيز عمل درآمد باوري كړي۔ د پنجاب د صنعت وزير مياں اسلم فورم ته وئيل چې په اېس او پيز او ګائيډ لائينز عمل درآمد له خاص ډلې جوړې كړې شوي دي كومې چې خپل كار په غوره ډول ترسره كوي۔ ده ووئيل تر دې دمه 360 وارننګ نوټس جاري كړې شوي دي

مضمون کا ماخذ : لاٹری ٹکٹ جیتنے کے نمبر

متعلقہ مضامین