د كورونا وائرس وباﺀ مخنيوي له د هر يو مكتبه فكر مرسته مهمه ده۔ د قامي اسمبلۍ سپيكر اسد قېصر

اسلام آباد ۔ 8 اپرېل (اے پی پی) د قامي اسمبلۍ سپيكر اسد قېصر وئيلي دي كورونا وائرس نړيوال چېلنج دے۔ د تبليغي جماعت د غړو مننه كوؤ۔ بهر هېوادونو څخه د تبليغي جماعت غړو او زائرينو بېرته راوستلو له به ټول ممكنه ګامونه پورته كولې شي۔ د كورونا وائرس وباﺀ مخنيوي له د هر يو مكتبه فكر مرسته مهمه ده۔ اولس ته خواست دے چې په حفاظتي تدبيرونو عمل وكړي۔ ده د شورؤ په ورځ پارلېمنټ هاؤس كښې د مذهبي چارو وفاقي وزير نورالحق قادری او دوهم وزير شهريار آفريدي سره په ګډه د ابلاغ ذريعو نمائندګانو سره خبرې كولې۔ سپیکر اسد قیصر ووئيل د تبليغي جماعت غړو او ټولو زائرينو ته باور وركوم چې مونږ به دوئي چرې مايوسه نه كړو۔ په جنګي بنيادونو كار كوؤ۔ ټول قام تاسو سره ولاړ دے۔ تاسو به چرې هم مايوسه نه شۍ۔ ده ووئېل تاسو چې د كوم ډول صبر او زغم څرګندونه كړې مونږ په هغې تاسو ته د عقيدت پېرزوئنې وړاندې كوؤ۔ د مذهبي چارو وفاقي وزير نور الحق قادري ووئيل کورونا وائرس وباء امتحان دے۔ په دې اړه زائرينو او تبليغي جماعت ته ګوتې ونيولې شوې او بحثونه وشول۔ زمونږ د تبليغي جماعت شوریٰ او مولانا طارق جميل سره خبرې شوي ۔ ده ووئيل زائرينو سره د اړوندو مسئلو او غلط فهمو حوالې سره هم د رياست په كچه د معاملې ختمولو له اړوندو كسانو سره په تماس كښې يؤ۔ ده ووئيل شب برأت د بركتونو او رحمتونو شپه ده٬ په دې كښې بايد ذكر ٬ فكر او عبادت وكړې شي ولې وګړي دې احتياطي تدبيرونه خپلولو سره خپلو كورونو كښې عبادت وكړي او لوئي څښتن څخه دې مرسته اوغواړي۔ د نشائي توكو دوهم وزير شهريار آفريدي ووئيل د پارلمان كردار ټول عمري بنيادي وي كوم چې هېواد له قانون سازي او د اولس لارښوونه كوي۔ ده ووئيل زائرين او د تبليغي جماعت څومره كسان چې نړۍ او هېواد كښې چرته هم دي او مسئلو سره مخ دي د دوئي مسئلو حل له به صوبو سره په ګډه تګلاره جوړولې شي۔ ده ووئيل مونږ پاكستان ته عزت وركوؤ او د مدينې رياست خبره كوؤ نو په حقيقي معنو كښې به د دوئي مسئلې هم حل كوؤ۔ ده دعا وكړه چې لوئي څښتن دې په دې سخت وخت كښې د ټول انسانيت مسئلې حل كړي

مضمون کا ماخذ : جادوئی اسپن

متعلقہ مضامین